← EduNest Mongolia · Нүүр · Оюутны портал →

Мэдээллийн нууцлал

Шинэчилсэн: 2026 оны 11-р сарын 6 · EduNest Mongolia / EduNest Messenger AI

Ямар мэдээлэл авах вэ?

Маягт болон зөвшөөрсөн элсэлтийн бүртгэлээр нэр, холбоо барих мэдээлэл, боловсрол, сонирхсон сургууль, мэргэжил, төсөв болон суралцах төлөвлөгөө авна. Messenger туслах нь Page болон харилцагчийн техникийн ID, үйл явдлын төрөл, огноо, зөвшөөрөл, хүн зөвлөхийн хүсэлтийн төлөвийг бүртгэнэ. Чатын текстийг хадгалах зөвшөөрөл өгөөгүй үед зөвхөн үйл явдлын метадата бүртгэнэ. «Чат хадгалах → Хадгалж болно» сонголтыг баталсны дараах шинэ мессеж болон автомат туслахын хариултыг манай CRM-д хадгалж, эрх бүхий зөвлөх ажилтан харилцааг үргэлжлүүлэхэд ашиглана. Өмнө нь хадгалаагүй мессежийг нөхөж хадгалахгүй. Харин Messenger дотор бүртгүүлэхийг тусад нь зөвшөөрвөл нэр, утас, сонирхсон мэргэжлийг бүртгэл бүрдүүлэх болон зөвлөх холбогдох зорилгоор хадгална. Насанд хүрээгүй сурагч асран хамгаалагчтайгаа хамт бүртгүүлнэ.

Ашиглах зорилго

Тантай холбогдох, сургууль болон хөтөлбөр сонгоход зөвлөх, зөвшөөрсөн элсэлтийн ажлыг хөтлөхөд ашиглана. Зөвлөгөөний тэмдэглэл, баримтын явц болон үйлчилгээний төлбөрийг дотоод системд бүртгэнэ. Messenger-ийн AI нь зөвшөөрсний дараа асуултад хариулна. «Хүн зөвлөх» сонговол AI түр зогсож, зөвлөхийн хүсэлт үүснэ. «AI руу буцах» сонголт нь уг хүсэлтийг цуцалж AI зөвшөөрлийн сонголтыг нээнэ. AI-ийн мэдээлэл алдаатай байж болох тул элсэлт, төлбөр, тэтгэлэг зэрэг чухал мэдээллийг зөвлөхөөр нягтлуулна.

Хандалт ба мэдээлэл дамжуулах

Эрх бүхий ажилтнууд үүргийнхээ хүрээнд хандана. Вэбсайт, маягт, мэдээллийн системд Webflow, Supabase, харилцаанд Meta Messenger ашигладаг. AI ашиглахыг зөвшөөрсний дараа хариу боловсруулах шаардлагатай асуултын текстийг OpenAI-д дамжуулж болно. Манай туслах Page болон Messenger хэрэглэгчийн техникийн ID-г AI асуултын хамт дамжуулахгүй. Эдгээр үйлчилгээ нь өөрийн мэдээлэл боловсруулах нөхцөлтэй; манай CRM-ийн текст хадгалалтын сонголт нь Meta эсвэл OpenAI дээрх боловсруулалт, хадгалалтыг удирдахгүй. Сонгосон сургуульд элсэлтийн материал дамжуулахын өмнө тусдаа зөвшөөрөл авна. AI болон чат хадгалалт идэвхтэй үед AI-тай ярианы сүүлийн 24 цагийн 8 хүртэл мессежийн хэсгийг дараагийн асуултад автоматаар харгалзана. Үүнийг эхлэхэд чатад асуултгүйгээр нэг удаа тайлбарлана. Зөвхөн тухайн харилцагчийн энэ чат ашиглагдах бөгөөд бүртгэлийн нэр, утас цуглуулах алхам болон хүн зөвлөхөд үлдээсэн мессежийг санах хүрээнд оруулахгүй. «Санахаа зогсоо» гэж унтрааж болно. Хадгалалт эсвэл AI ашиглахыг зогсоовол санах боломж мөн зогсоно. CRM-д хадгалсан түүхийг 24 цаг өнгөрөхөд автоматаар устгахгүй. Өмнө санахыг зогсоосон хүний сонголтыг автоматаар дахин асаахгүй.

Баримт бичиг

Анхны маягтад паспорт, диплом хавсаргах шаардлагагүй. Шаардлагатай баримт болон хүлээн авах аргыг зөвлөхтэй тохирно. AI чатад паспортын дугаар, регистр, нууц үг, банкны картын мэдээлэл болон бусдын хувийн баримт бүү илгээгээрэй.

Мэдээллээ засуулах, устгуулах

Мэдээллээ засуулах, устгуулах хүсэлтээ jobnestmn@gmail.com хаягаар илгээнэ үү. Messenger-тэй холбоотой бол EduNest Mongolia Page-тэй харилцсан аккаунтаа танихад шаардлагатай мэдээлэл болон хүсэлтийнхээ хүрээг бичээрэй; нууц үг, баталгаажуулах код бүү илгээгээрэй. Бусдын мэдээллийг хамгаалахын тулд хүсэлт гаргагчийг баталгаажуулж болно. Үйлчилгээ, тооцоо болон холбогдох шаардлагыг харгалзан хүсэлтийг шийдвэрлэнэ. «AI зогсоо» гэж бичвэл цаашдын AI боловсруулалтын зөвшөөрөл цуцлагдана. CRM-д чатын текст нэмж хадгалахыг зогсоох бол «Хадгалалт зогсоо» гэж бичнэ. Эдгээр нь тусдаа сонголт; өмнө бүртгэсэн мэдээлэл эсвэл Meta дахь чатыг автоматаар устгахгүй. Хадгалсан мэдээллээ устгуулах хүсэлтээ дээрх имэйлээр өгнө үү.

Холбоо барих

jobnestmn@gmail.com · 8810 3678